خیبر پختونخوا،آرمی فلڈ ریلیف آپریشن ساتویں روز بھی جاری رہا

کور آف انجینئرز دستے راستوں کو کھولنے ، ملبے کو ہٹانے میں مصروف ،متاثرہ عوام کو ہیلی کاپٹرز کے ذریعے راشن و دیگر سامان بھی مہیا

جمعہ 22 اگست 2025 13:25

پشاور(اُردو پوائنٹ اخبارتازہ ترین - این این آئی۔ 22 اگست2025ء)خیبر پختونخوا میں لینڈ سلائینڈنگ، طوفانی بارشوں اور سیلابی صورتحال کے پیش نظر پاک آرمی کی جانب سے گزشتہ ہفتے شروع کیا گیا فلڈ ریلیف آپریشن ساتویں روز بھی جاری رہا۔پاک فوج ضلع بونیر، سوات، شانگلہ اور صوابی میں فلڈ ریلیف آپریشن میں مصروف عمل رہی۔

(جاری ہے)

پاک فوج کے کور آف انجینئرز کے دستے راستوں کو کھولنے اور ملبے کو ہٹانے میں مصروف رہے ، جبکہ متاثرہ عوام کو ہیلی کاپٹرز کے ذریعے راشن اور دیگر سامان بھی مہیا کیا گیا۔

سیلاب زدہ علاقوں سے لوگوں کو محفوظ مقامات پر منتقل کرنے کیاگیا۔اربن سرچ اینڈ ریسکیو ٹیم ملبے سے زخمیوں اور لاشوں کو ڈھونڈنے جبکہ پاک فوج کی میڈیکل ٹیمز متاثرہ علاقوں میں مریضوں کے مفت علاج میں مصروف رہی۔