عرب امارات کا غزہ کے لیے امداد کا 77 واں ایئر ڈراپ آپریشن

جرمنی، فرانس، ہالینڈ، سنگاپور اور انڈونیشیا بھی اس مشن میں شامل تھے،رپورٹ

جمعہ 22 اگست 2025 13:55

ابوظہبی (اُردو پوائنٹ اخبارتازہ ترین - این این آئی۔ 22 اگست2025ء)متحدہ عرب امارات نے غزہ کے لیے امداد کا 77 واں ایئر ڈراپ آپریشن مکمل کر لیا۔ عرب ٹی وی کے مطابق یہ کارروائی اردن کی شراکت سے انجام دی گئی جبکہ جرمنی، فرانس، ہالینڈ، سنگاپور اور انڈونیشیا بھی اس مشن میں شامل تھے۔

(جاری ہے)

امارات کی جانب سے بھیجی گئی امدادی کھیپ میں بنیادی غذائی اشیاشامل تھیں جنہیں اماراتی فلاحی اداروں کے تعاون سے تیار کیا گیا تھا۔ان امدادی اشیا کا مقصد غزہ کے عوام کی ضروریات پوری کرنا ہے جو اس وقت شدید بحران کا سامنا کررہے ہیں۔امارات کی اس فضائی کارروائی کے ذریعے اب تک مجموعی طور پر 4 ہزار 28 ٹن سے زائد امدادی سامان فضائی راستے سے غزہ پہنچایا جاچکا ہے جس میں خوراک اور اشیائے ضرورت شامل ہیں۔