راولپنڈی،عدالت کا چوری ڈکیتی کے 11 مقدمات میں نامزد ملزم کو رہا کرنے کا حکم

جمعہ 22 اگست 2025 23:07

راولپنڈی (اُردو پوائنٹ اخبارتازہ ترین - این این آئی۔ 22 اگست2025ء)راولپنڈی کی عدالت نے چوری ڈکیتی کے 11 مقدمات میں نامزد ملزم کو رہا کرنے کا حکم دے دیا۔جوڈیشل مجسٹریٹ مدثر اقبال شاہ نے ملزم کو جیل بھیجنے کی پولیس استدعا مسترد کرتے ہوئے پولیس کارروائی کو ضابطہ فوجداری کی دفعہ 103 کی خلاف ورزی قرار دے دیا۔

(جاری ہے)

عدالت نے محمد خلیل کو تمام مقدمات سے ڈسچارج اور رہا کرنے کا حکم دے دیا۔وکیل صفائی کے مطابق خلیل 14 اگست کو فیملی کے ساتھ پارک آیا تھا، مشتبہ قرار دے کر حراست میں لیا، رہائی کیلئے پولیس نے 3 لاکھ روپے مانگے، غریب رنگ ساز اتنی رقم ادا نہیں کر سکا۔وکیل صفائی نے کہا کہ تفتیشی افسر نے چوری ڈکیتی کے 11 مقدمات میں خلیل کی گرفتاری ظاہر کی۔