سرکاری میڈیکل کالجز میں ایم بی بی ایس کی 475سیٹیں بڑھانے کا فیصلہ

جمعہ 22 اگست 2025 20:25

لاہور(اُردو پوائنٹ اخبارتازہ ترین - این این آئی۔ 22 اگست2025ء)پنجاب حکومت نے سرکاری میڈیکل کالجز میں ایم بی بی ایس کی 475سیٹیں بڑھانے کا فیصلہ کرتے ہوئے ایم ڈی سی سے درخواست کی ہے۔

(جاری ہے)

سروسز انسٹی ٹیوٹ آف میڈیکل سائنسز میں 50سیٹیں بڑھانے کی استدعا کی گئی، جبکہ امیر الدین میڈیکل کالج، نشتر میڈیکل کالج میں بھی 50، 50سیٹیں بڑھانے ،پنجاب میڈیکل کالج فیصل آباد ، شیخ زید میڈیکل کالج رحیم یار خان میں بھی 50، 50سیٹوں کے اضافے کی درخواست کی گئی ہے۔

ساہیوال اور گوجرانوالہ میڈیکل کالج میں 50، 50سیٹیں ، ڈی جی خان میڈیکل کالج میں 30، کنگ ایڈورڈ میڈیکل کالج ،قائد اعظم میڈیکل کالج اور سرگودھا میڈیکل کالج میں 25، 25سیٹوں کے اضافے جبکہ خواجہ صفدر میڈیکل کالج سیالکوٹ میں 20سیٹوں کے اضافے کی استدعا کی گئی ہے۔ پی ایم ڈی سی سے رواں سال میں سیٹیں بڑھانے کی درخواست کی گئی ہے ۔