نیدرلینڈز کے وزیر خارجہ کیسپر ویلڈکیمپ نے عہدے سے مستعفی

ہفتہ 23 اگست 2025 14:07

ہیگ (اُردو پوائنٹ اخبارتازہ ترین - اے پی پی۔ 23 اگست2025ء) نیدرلینڈز کے وزیر خارجہ کیسپر ویلڈکیمپ عہدے سے مستعفی ہوگئے۔غیر ملکی خبر رساں ادارے کے مطابق نیدر لینڈز کے وزیر خارجہ کیسپر ویلڈکیمپ نے غزہ میں اسرائیلی فوجی حملے کے خلاف اضافی پابندیوں کے لیے کابینہ کی حمایت حاصل کرنے میں ناکامی کے بعد استعفیٰ دیا۔

(جاری ہے)

استعفیٰ سے متعلق دیے گئے بیان میں کیسپر نے کہا کہ میں دیکھ رہا ہوں کہ غزہ کی سرزمین پر کیا ہو رہا ہے ،ایک کابینہ کے طور پر ہم نے پہلے بھی کئی اقدامات کیے ہیں۔

ان کا کہنا تھا کہ وہ غزہ پر اسرائیلی فوجی حملوں کے بعد اسرائیل کے خلاف مزید پابندیاں عائد کرنے کے معاملے پر کابینہ کی حمایت حاصل کرنے میں ناکام رہے۔ویلڈکیمپ نے کہا کہ وہ "بامعنی اقدامات" پر اتفاق رائے پیدا نہ کر سکے اور پہلے سے عائد پابندیوں پر بھی بارہا ساتھی وزراء کی مزاحمت کا سامنا کرنا پڑا۔