مریم نوازکا ایکشن ! ستھرا پنجاب کے ورکرز کو تنخواہوں کی ادائیگی یقینی بنانے کا حکم

ہفتہ 23 اگست 2025 14:11

لاہور(اُردو پوائنٹ اخبارتازہ ترین - این این آئی۔ 23 اگست2025ء) وزیراعلیٰ پنجاب مریم نوازشریف نے ستھرا پنجاب کے ورکرز کو پوری تنخواہ نہ ملنے کا نوٹس لے لیا۔ وزیراعلیٰ نے کم از کم تنخواہ نہ دینے پرسخت برہمی کا اظہار کرتے ہوئے متعلقہ کنٹریکٹرز کو فائنل وارننگ جاری کر دی۔

(جاری ہے)

مریم نوازشریف نے ہدایت کی کہ ستھرا پنجاب کے ورکرز کو ہر شہر میں کم از کم تنخواہ کی مکمل ادائیگی کو یقینی بنایا جائے، ورکرز کے ساتھ کسی قسم کی زیادتی برداشت نہیں کی جائے گی۔ وزیراعلیٰ نے محکمہ بلدیات اور متعلقہ حکام کو واضح احکامات دیے کہ آئندہ کسی بھی مقام پر ورکرز کو کم تنخواہ ملنے کی شکایت سامنے آئی تو کنٹریکٹرزکے خلاف سخت کارروائی کی جائے گی۔