کراچی: نوجوان نے پانچویں فلور سے چھلانگ لگا کر مبینہ طور پر خودکشی کرلی

ہفتہ 23 اگست 2025 21:33

کراچی(اُردو پوائنٹ اخبارتازہ ترین - این این آئی۔ 23 اگست2025ء)کارساز میں نوجوان نے عمارت کے پانچویں فلور سے چھلانگ لگا کر مبینہ خودکشی کرلی۔تفصیلات کے مطابق یہ افسوسناک واقعہ کراچی کے علاقہ کارساز میں رہائشی اپارٹمنٹ میں پیش آیا ہے جہاں پانچویں فلور سے کود کر نوجوان نے مبینہ طور پر کود کشی کرلی۔ریسکیو حکام کے مطابق متوفی کی شناخت 22 سالہ شاہویز کے نام سے ہوئی ہے، متوفی کی لاش اسپتال منتقل کردی گئی ہے جبکہ پولیس نے واقعے کی تحقیقات شروع کردیں۔

(جاری ہے)

اس سے قبل کورنگی کرسچن ٹاؤن ہندو پاڑے کے قریب گھر سے نوجوان کی گلے میں پھندا لگی لاش ملی تھی جسے چھیپا کے رضا کاروں نے ضابطے کی کارروائی کے لیے جناح اسپتال پہنچایا تھا۔ہیڈ محرر تھانہ زمان ٹاون یاسر نے اس حوالے سے بتایا تھا کہ ہلاک نوجوان کی شناخت 18 سالہ سمیتھ کپور کے نام سے کی گئی جبکہ ابتدائی طور پر اہلخانہ واقعہ گلے میں پھندا لگا کر خودکشی کا بتا رہے ہیں۔پولیس نے ضابطے کی کارروائی کے بعد لاش ورثا کے حوالے کردی اور اس ضمن میں مزید تفتیش کا عمل جاری ہے ۔