فتنہ الخوارج نے مقامی کمانڈرز کو باجوڑ چھوڑنے سے روک دیا، سیکیورٹی ذرائع

ہفتہ 23 اگست 2025 20:50

اسلام آباد (اُردو پوائنٹ اخبارتازہ ترین - این این آئی۔ 23 اگست2025ء)سیکیورٹی ذرائع نے کہا ہے کہ فتنہ الخوارج نے مقامی کمانڈرز کو باجوڑ چھوڑنے سے روک دیا۔فتنہ الخوارج کے نور ولی نے اعلامیے میں کہا کہ مقامی کمانڈرز کو باجوڑ چھوڑنے کی اجازت نہیں ہے۔سیکیورٹی ذرائع کے مطابق فتنہ الخوارج اعلامیے میں باجوڑ آپریشن کو باجوڑ عوام پر ظلم قرار دیا گیا۔

سیکیورٹی فورسز نے 18 اگست کو باجوڑ عوام سے کہا تھا کہ آپریشن کے دوران دہشت گردوں کو علاقے میں نہ آنے دیں۔

(جاری ہے)

سیکیورٹی ذرائع نے کہا کہ فتنہ الخوارج کا اعلامیہ حقائق سے یکسر مختلف ہے، سیکیورٹی فورسز باجوڑ میں صرف دہشت گردوں کو نشانہ بنا رہی ہیں، سیکیورٹی فورسز باجوڑ کی عوام، کاروبار اور بچوں کا مستقبل محفوظ بنا رہی ہیں۔سیکیورٹی ذرائع کے مطابق باجوڑ کے اصل سپوت اس دھرتی کے بیٹے ہیں، غیرملکی دہشت گرد اور خوارج خود کو علاقے کا محافظ ظاہر کرتے ہیں مگر اصل میں یہ ان کے دشمن ہیں۔

سیکیورٹی ذرائع کے مطابق آپریشن کی وجہ سے بے گھر ہونے والا خاندان دراصل فتنہ الخوارج کے ظلم کا نتیجہ ہے۔ ریاست کے لیے عوامی حمایت دیرپا امن کی سب سے بڑی ضمانت اور فتنہ الخوارج کے لیے بڑا خطرہ ہے۔