شہریوں کے بنیادی مسائل کو حل کرنے کیلئے محدود وسائل کو بروئے کار لارہے ہیں ،ڈپٹی کمشنر کچھی

ہفتہ 23 اگست 2025 21:35

کچھی(اُردو پوائنٹ اخبارتازہ ترین - این این آئی۔ 23 اگست2025ء)چیف سیکرٹری بلوچستان کی خصوصی احکامات کے مطابق آج سب ڈویژن بھاگ میں ڈپٹی کمشنر کچھی کیپٹن ریٹائرڈ جمعداد خان مندوخیل کی صدارت میں عوامی مسائل کے حل کیلئے کھلی کچہری کا انعقاد کیا گیا کھلی کچہری میں ایف سی سبی اسکاوٹس کے ونگ کمانڈر کرنل زبیر سمیت پولیس، لیویز دیگر سول و انتظامی آفیسران موجود تھے۔

کھلی کچہری میں چئیرمین میونسپل کمیٹی بھاگ و دیگر منتخب عوامی نمائندوں نے شرکت کی۔

(جاری ہے)

کھلی کچہری میں شہریوں کی جانب سے مختلف محکمہ جات میں درپیش مسائل کے متعلق آگاہی فراہم کی ڈپٹی کمشنر کچھی نے سائلین کے مسائل سنے اور انہیں مختلف محکمہ جات کے آفیسران کی موجودگی میں حل کرنے کے احکامات جاری کیئے ڈپٹی کمشنر کچھی نے منعقدہ کھلی کچہری سے اپنے خطاب میں کہا کہ ہم شہریوں کے بنیادی مسائل کو حل کرنے کیلئے اپنے محدود وسائل کو بروئے کار لاتے ہیں سائلین کو ریلیف دیکر عوامی خدمت کو یقینی بنارہے ہیں آسان رسائی کے تحت مسائل سن رہے ہیں اور لوگوں کے مسائل کے بارے میں باقاعدہ متعلقہ محکموں سے فالو اپ بھی لیا جارہا ہے تاکہ شہریوں کے جملہ مسائل کا حل یقینی بنایا جاسکے ڈپٹی کمشنر کچھی کیپٹن ریٹائرڈ جمعداد خان مندوخیل کا کہنا تھا کہ آفیسران عوام کے خادم ہیں ضلع کچھی کے تمام محکمہ جات ان سے متعلق عوامی شکایات دور کرنے کیلئے فی الفور اقدامات اٹھائے جائیں گے اور ہرممکن طور پر عوام کو بھرپور ریلیف دی جائے گی اور عوامی مسائل کے حل کیلئے کوتاہی برتنے والے آفیسران کے خلاف محکمانہ کارروائی عمل میں لائیں گے انہوں نے کہا کہ آج کی کھلی کچہری میں عوامی شکایات کو سن کر ان کو حل کرنے کیلئے موقع پر متعلقہ محکموں کو احکامات جاری کر دیئے گئے ہیں عوامی خدمت میں کوئی کسر نہیں چھوڑیں گے کھلی کچہری سے شہری اور آفیسران ایک دوسرے کے آمنے سامنے ہوتے ہیں سائلین کی جانب سے جائز مسائل کی نشاندہی پر انہیں حل کرنے کیلئے جنگی بنیادوں پر اقدامات اٹھائے جائیں گے تاکہ شہریوں کے بنیادی مسائل جو ضلعی انتظامیہ کے دائرے کار میں ہوتے ہیں انہیں حل کیا جاسکے اور ان کے مسائل کے حل کیلئے ہی حکومت بلوچستان نے یہاں پر تعینات کیا ہے۔