کیریبیئن لیگ: روماریو شیفرڈ کا منفرد کارنامہ، ایک گیند پر 22 رنز بنالیے

شیفرڈ نے 34 گیندوں پر 73 رنز کی ناقابل شکست اننگز کھیلی تاہم ان کی ٹیم فتح حاصل نہ کرسکی

ذیشان مہتاب جمعرات 28 اگست 2025 13:37

کیریبیئن لیگ: روماریو شیفرڈ کا منفرد کارنامہ، ایک گیند پر 22 رنز بنالیے

گیانا (اردو پوائنٹ تازہ ترین اخبار ۔ 28 اگست 2025ء ) ویسٹ انڈین آل راؤنڈر روماریو شیفرڈ نے کیریبین پریمیئر لیگ میں حیران کن کارکردگی دکھاتے ہوئے ایک ہی قانونی گیند پر تین چھکے لگا کر 22 رنز بنا دیے۔

یہ منفرد لمحہ گیانا ایمیزون واریئرز اور سینٹ لوشیا کنگز کے درمیان میچ کے دوران پیش آیا۔ میچ کا پندرہواں اوور کرنے والے بولر اوشانے تھامس نے متعدد نوبالز اور وائیڈ بال کیں۔

(جاری ہے)

اوور کی تیسری گیند پر شیفرڈ ایکسٹرا کور پر کیچ آؤٹ ہوگئے تاہم وہ نو بال قرار پائی۔ اگلی گیند وائیڈ قرار دیے جانے پر فری ہٹ برقرار رہی۔

اس کے بعد تھامس نے مزید دو مسلسل نو بالز کیں جن پر شیفرڈ نے دو لگاتار چھکے جڑ دیے۔

پھر اس کے بعد لیگل گیند پر بھی چھکا لگا دیا، یوں مجموعی طور پر ایک قانونی گیند پر 22 رنز بنے۔

Shepherd showing no mercy at the crease! 🔥

Five huge sixes to start the charge! 💪#CPL25 #CricketPlayedLouder
#BiggestPartyInSport #SLKvGAW #iflycaribbean pic.twitter.com/6cEZfHdotd
— CPL T20 (@CPL) August 27, 2025