حکومتی معاونت ملنے کے باوجود پاکستان ہاکی فیڈریشن مالی مشکلات سے دوچار

پی ایچ ایف کو ایک سال کے لیے مجموعی طور پر کم از کم 45 کروڑ روپے اکٹھے کرنا ہے

ذیشان مہتاب جمعرات 28 اگست 2025 14:19

حکومتی معاونت ملنے کے باوجود پاکستان ہاکی فیڈریشن مالی مشکلات سے دوچار

لاہور (اردو پوائنٹ تازہ ترین اخبار ۔ 28 اگست 2025ء ) حکومتی معاونت کے باوجود پاکستان ہاکی فیڈریشن مالی مشکلات سے دوچار ہے۔

ذرائع کے مطابق کھلاڑیوں کے ڈیلی الاؤنس ادا نہ کرنے والی فیڈریشن کے لیے فنڈز اکٹھا کرنا دشوار ہے، پرو لیگ کے صرف ایک ایڈیشن کے لیے فیڈریشن کو مزید 10 کروڑ درکار ہیں ۔

ذرائع کا بتانا ہے کہ پاکستان ہاکی ٹیم نے آئندہ برس ورلڈکپ کوالیفائر اور ایشین چیمپئنز ٹرافی میں شرکت کرنا ہے۔

(جاری ہے)

ذرائع کا کہنا ہے کہ ایشین گیمزکے علاوہ کوالیفائی کرنے کی صورت میں ورلڈکپ میں بھی ٹیم نے شرکت کرنا ہے جب کہ اولمپک کوالیفائیرز میں شرکت بھی شیڈول میں شامل ہے۔

ذرائع کے مطابق پاکستان ہاکی فیڈریشن کو ان ایونٹس کے لیے 30 سے 35 کروڑ روپے ایک سال میں درکار ہیں ، پی ایچ ایف کو ایک سال کے لیے مجموعی طور پر کم از کم 45 کروڑ روپے اکٹھے کرنا ہے۔