Live Updates

حکومت کا سیلاب سے جاں بحق ہونیوالوں کے لواحقین کیلئے 20، 20 لاکھ روپے امداد کا اعلان

غیرقانونی تعمیرات کے گرنے پر معاوضہ نہیں مل سکتا،وفاقی وزیراطلاعات عطاتارڑ کی صحافیوں سے گفتگو

جمعرات 28 اگست 2025 22:55

وزیرآباد(اُردو پوائنٹ اخبارتازہ ترین - این این آئی۔ 28 اگست2025ء)وفاقی حکومت نے سیلاب سے جاں بحق ہونے والوں کے لواحقین کیلئے 20، 20لاکھ روپے امداد کا اعلان کردیا۔وزیرآبادمیں صحافیوں سے گفتگوکرتے ہوئے وفاقی وزیر اطلاعات نے خبردار کردیا کہ غیرقانونی تعمیرات کے گرنے پر معاوضہ نہیں مل سکتا، جو لوگ آبی گزرگاہوں میں رہتے ہیں انہیں نقصانات کا معاوضہ ادا کرنا ممکن نہیں ہوگا۔

(جاری ہے)

انہوںنے کہاکہ حکومت نے طے کیا ہے کہ آئندہ سے آبی گزرگاہوں میں کسی قسم کی تعمیرات کی اجازت نہیں ہوگی، سیلاب سے متاثرہ لوگوں کے گھروں، فصلوں اور مال مویشی کے نقصانات کا سروے کیا جارہا ہے۔عطا تارڑ نے کہا کہ پہلی بار بارش کے 3، 4سسٹم ساتھ ساتھ آئے ہیں، 3دریاں کی طغیانی میں 2لاکھ سے زائد افراد کو ریسکیو کیا گیا، پاک فوج اور انتظامیہ نے بروقت رسپانس دے کر کئی افراد کو بچایا۔