چیف سیکرٹری خیبرپختونخوا شہاب علی شاہ سے انڈر 16 نیشنل فٹبال چیمپئن شپ کی فاتح ٹیم کی ملاقات

جمعہ 29 اگست 2025 19:50

پشاور (اُردو پوائنٹ اخبارتازہ ترین - اے پی پی۔ 29 اگست2025ء) چیف سیکرٹری خیبرپختونخوا شہاب علی شاہ سے انڈر16 نیشنل فٹبال چیمپئن شپ کی فاتح ٹیم وزیرستان وارئیرز سمیت دیگر ٹیموں نے ملاقات کی۔چیف سیکرٹری آفس پشاور تر جمان کے مطابق پاک آرمی کی جانب سے منعقدہ چیمپئن شپ کے آخری رائونڈ میں حصہ لینے والی آٹھ میں سے تین ٹیموں کا تعلق خیبرپختونخوا سے تھا، جن کی کارکردگی متاثرکُن رہی۔

(جاری ہے)

چیف سیکرٹری نے اس موقع پر کھلاڑیوں کی حوصلہ افزائی کی اور کہا کہ حکومت خیبرپختونخوا نوجوانوں کو تعمیری سرگرمیوں کی طرف راغب کرنے کے لیے کھیلوں کی سہولیات کی فراہمی پر کام کر رہی ہے۔ضم اضلاع میں گراؤنڈز کی صورتحال بہتر بنائی جائے گی جبکہ حکومت خیبرپختونخوا بین الاقوامی ایونٹس میں کھلاڑیوں کو سپورٹ کرے گی۔ملاقات کے اختتام پر چیف سیکرٹری نے کھلاڑیوں اور کوچز میں انعامات اور گفٹ تقسیم کئے۔