چٹھیوں کی روایت ،ْ کلاسیکل تھی،ادب پرور وں کی چٹھیاں وقت کی قید سے آزاد ہوتی ہیں‘ شفق لاشاری

شفق لاشاری کی کتاب میں جگہ جگہ انسانی اور خاندانی رشتوں کے جاں فزا اور دلربا واقعات اور کرداروں کا ذکر ملتا ہے

ہفتہ 30 اگست 2025 17:50

لاہور (اُردو پوائنٹ اخبارتازہ ترین - این این آئی۔ 30 اگست2025ء) لاہور آرٹس کونسل الحمراء کے زیر اہتمام ،ْ الحمراء ادبی بیٹھک میں معروف مصنفہ شفق لاشاری کے اپنی چٹھیوں پر مبنی تصیف ’’ چٹھیوں ‘‘ پر دل کو چھو لینی والی گفتگو کا اہتمام کیا گیا۔ نامور ادیبہ و دانشور شفق لاشاری نے اپنی ہی تصنیف ’’چٹھیاں‘‘ میں سے مختلف احتسابات پڑھ کر سنائے،شفق لاشاری کے تجربات، احساسات ، جذبات ، یادوں اور الفاظ میں محبت ، قربت اور احترام کا رنگ جھکتا ہے۔

(جاری ہے)

چیئرمین الحمراء رضی احمد نے ا س حوالے سے کہاکہ چٹھیوں کا زمانہ ایک ایسا دور تھا جب الفاظ میں مٹھاس اور احساس کی گہرائی ہوتی تھی،یہ پروگرام ہمارے ماضی سے جوڑنے اور خوبصورت جذبات کو محسوس کرنے کا ذریعہ ہے جو تیز رفتار دور میں کہیں کھو گئے ہیں۔ ایگزیکٹوڈائریکٹر الحمراء محمد محبوب عالم چوہدری نے اپنے تاثرات میں کہا کہ اس نشست سے ہمیں ماضی کی ثقافت ، خط وکتابت کے فن اور انسانی تعلقات کی اہمیت کو سمجھنے میں مدد ملتی ہے،چٹھیوں کا زمانہ انسانی رشتوں میں جو لطافت لاتا ہے وہ آج کے ڈیجیٹل دور میں مفقود ہو چکی ہے، ایسے پروگرامز اس احساس کی بازیافت ہیں۔ڈیجیٹل دور میں بات چیت تو تیزی سے ہورہی ہے مگر اس میںڈیجیٹل تاثیرملتی ہے۔