گوجر خان پولیس کی بڑی کارروائی، قتل اور منشیات کے مقدمات میں مطلوب اشتہاری گرفتار

اشتہاری کے ڈیرے سے بھاری مقدار میں چرس، ہیروئن، افیون اور آئس برآمد

ہفتہ 30 اگست 2025 19:15

راولپنڈی(اُردو پوائنٹ اخبارتازہ ترین - این این آئی۔ 30 اگست2025ء) گوجر خان پولیس نے اہم کارروائی کرتے ہوئے دہشت گردی، قتل اور منشیات کی بھاری کھیپ کے مقدمات میں مطلوب اشتہاری کو گرفتار کرلیا۔ اشتہاری نے ساتھیوں کے ہمراہ دسمبر 2024 میں ہاؤسنگ سوسائٹی کی تقریب میں فائرنگ کرکے شہری کو قتل کر دیا تھا۔

(جاری ہے)

اشتہاری کی گرفتاری کے لیے ریڈ کے دوران ڈیرہ سے 64 کلو سے زائد چرس، 1860 گرام ہیروئن، 730 گرام افیون اور 210 گرام آئس برآمد ہوئی تھی۔

تفصیلات کے مطابق اشتہاری اور ساتھیوں کی گرفتاری کے لئے گوجرخان سرکل کی سپیشل ٹیم تشکیل دی گئی تھی، جبکہ قبل ازیں اس کے 6 ساتھی گرفتار ہوچکے ہیں اور ان سے اسلحہ بھی برآمد کیا گیا تھا۔ ایس پی صدر محمد نبیل کھوکھر کا کہنا تھا کہ اشتہاری اور اس کے ساتھیوں کو ٹھوس شواہد کے ساتھ عدالت میں چالان کر کے قرار واقعی سزا دلوائی جائے گی۔