مصر میں پہلی بار مصنوعی ذہانت کے ذریعے دقیق اور خطرناک سرجریاں

اتوار 31 اگست 2025 10:00

قاہرہ (اُردو پوائنٹ اخبارتازہ ترین - اے پی پی۔ 31 اگست2025ء) مصر میں پہلی بار مصنوعی ذہانت کے ذریعے دقیق اور خطرناک سرجریوں کا آغاز کر دیا گیا ہے۔ العربیہ کے مطابق صحت کے شعبے میں ٹیکنالوجی کے انضمام کی اہمیت کے تناظر میں مصر کی جنرل ہیلتھ کیئر اتھارٹی نے اعلان کیا ہے کہ سوئس میڈیکل کمپلیکس میں جدید اینڈوسکوپی سروسز میں ایک معیار بدلنے والی پیش رفت کی گئی ہے۔

(جاری ہے)

اس کے تحت کولونوسکوپی میں مصنوعی ذہانت (اے آئی) کی ٹیکنالوجی کا استعمال کیا جائے گا، جو چھوٹے ٹیومرز کی بروقت شناخت اور انتہائی درستگی کے ساتھ علاج ممکن بناتی ہے۔اتھارٹی نے ایک بیان میں کہا کہ کئی کامیاب آپریشنز کیے گئے، جن میں غذا کی نالی کے پٹھوں کی شق کے ذریعے "اکالیزیا" کے علاج، پچیسٹک نالی کی پتھریاں نکالنا اور اسٹنٹ لگانا شامل ہیں۔ اس کے علاوہ لبلبے کے نمونے لینے کے لیے الٹراساؤنڈ اینڈوسکوپ میں مصنوعی ذہانت کی تکنیک استعمال کی گئی۔