سعودی عرب ،ٹریفک کیمرے کو نقصان پہنچانے والا شہری گرفتار

پیر 1 ستمبر 2025 14:42

ریاض(اُردو پوائنٹ اخبارتازہ ترین - این این آئی۔ 01 ستمبر2025ء)سعودی عرب کے شہر جدہ کی پولیس نے ٹریفک کیمریکو نقصان پہنچانے والے شہری کو گرفتار کرلیا ۔

(جاری ہے)

جدہ پولیس کے مطابق مذکورہ شخص نے کیمرے میں توڑ پھوڑ کرکے اسے مکمل تلف کردیا جسے شناخت کے بعد گرفتار کر کے متعلقہ محکمے کے حوالے کردیا گیا ۔واضح رہے کہ سعودی عرب میں عوامی املاک کو نقصان پہنچانے کی سزا 2سال تک قید اور ایک لاکھ ریال جرمانہ ہوسکتا ہے یا دونوں میں سے کسی ایک سزا پر عمل درآمد کیا جا سکتا ہے۔ یہ سزا ہر اس شخص پر لاگو ہوگی جو جان بوجھ کر سرکاری املاک یا عوامی سہولیات کی کسی بھی تنصیب کو نقصان پہنچائے گا۔