متحدہ عرب امارات میں ستمبر کے لیے ڈیزل کی قیمت میں کمی

ڈیزل سستا جبکہ پٹرول کے نرخوں میں معمولی ردوبدل کیا گیا ہے،عرب ٹی وی

پیر 1 ستمبر 2025 14:42

متحدہ عرب امارات میں ستمبر کے لیے ڈیزل کی قیمت میں کمی

ابوظہبی(اُردو پوائنٹ اخبارتازہ ترین - این این آئی۔ 01 ستمبر2025ء)متحدہ عرب امارات میں ستمبر کے لیے پٹرول اور ڈیزل کے نئے نرخوں کا اعلان کر دیا گیا ہے ، ڈیزل کی قیمت میں کمی ہوئی ہے۔عرب ٹی وی کے مطابق فیول پرائس کمیٹی نے نئی قیمتوں کی منظوری دی ہے، جس کا اطلاق یکم ستمبر سے ہو گیا ہے۔ ڈیزل سستا جبکہ پٹرول کے نرخوں میں معمولی ردوبدل کیا گیا ہے۔

(جاری ہے)

پٹرول سپر 98 کی نئی قیمت 2.70 درہم فی لیٹر مقرر کی گئی ہے جو اگست میں 2.69 درہم فی لیٹر تھی۔سپیشل 95 ستمبر میں 2.58 درہم فی لیٹر ملے گا۔ اگست میں 2.57 درہم فی لیٹر دستیاب تھا۔ای پلس91 کے نرخ اضافے کے بعد 2.51 فی لیٹر ہوں گے، جون میں اس کی قیمت 2.50 فی لیٹر تھی۔ ڈیزل کی نئی قیمت کمی کے بعد 2.66 درہم فی لیٹر ہو گی، اگست میں ڈیزل 2.78 درہم فی لیٹر میں دستیاب رہا۔یاد رہے کہ امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔