میں نے زندگی میں کبھی اچھا محسوس نہیں کیا، ڈونلڈ ٹرمپ

بائیڈن کئی کئی دن منظرِ عام سے غائب رہتے تھے میں معمولی وقفہ لوں تو شورمچ جاتا ہے،گفتگو

پیر 1 ستمبر 2025 14:40

میں نے زندگی میں کبھی اچھا محسوس نہیں کیا، ڈونلڈ ٹرمپ

واشنگٹن (اُردو پوائنٹ اخبارتازہ ترین - این این آئی۔ 01 ستمبر2025ء)امریکی صدر ڈونلڈ ٹرمپ نے اپنی صحت سے متعلق گردش کرتی افواہوں کی سختی سے تردید کرتے ہوئے کہا ہے کہ انہوں نے اپنی زندگی میں کبھی بہتر محسوس نہیں کیا۔گزشتہ دنوں سماجی رابطے کی ویب سائٹ ایکس پر ٹرمپ اِز ڈیڈ کے ہیش ٹیگ کے ٹرینڈ کرنے کے بعد صدر ٹرمپ نے اپنی صحت سے متعلق وضاحت دی ہے۔

(جاری ہے)

یاد رہے کہ صدر ٹرمپ کی صحت سے متعلق سوشل میڈیا پر بحث اس وقت شروع ہوئی جب تجزیہ کار ڈی سی ڈرینو نے ایک پوسٹ میں کہا کہ میڈیا ڈونلڈ ٹرمپ اور سابق صدر، جو بائیڈن کے درمیان دوہرے معیار اپناتا ہے۔ انہوں نے مزید کہا کہ میرے مطابق جو بائیڈن کئی کئی دن منظرِ عام سے غائب رہتے تھے اور میڈیا پھر بھی انہیں تیز اور بہترین کارکردگی کا حامل قرار دیتا رہا جبکہ صدر ٹرمپ معمولی وقفہ لیں تو میڈیا شور مچا دیتا ہے۔اس بیان پر ڈونلڈ ٹرمپ نے ردِ عمل دیتے ہوئے کہا کہ میں نے زندگی میں کبھی بہتر محسوس نہیں کیا۔ٹرمپ نے اپنے بیان میں یہ دعوی بھی کیا کہ واشنگٹن ڈی سی اب جرم سے پاک علاقہ بن چکا ہے۔