ٹک ٹاک کا صارفین کیلئے نئے فیچرز متعارف کرانے کا فیصلہ

اتوار 31 اگست 2025 22:00

کراچی(اُردو پوائنٹ اخبارتازہ ترین - این این آئی۔ 31 اگست2025ء)ویڈیو شیئرنگ پلیٹ فارم ٹک ٹاک آئندہ ہفتوں میں صارفین کے لیے وائس میسجز اور امیج شیئرنگ فیچر شامل کر کے ڈائریکٹ میسج (ڈی ایم)کا دائرہ کار بڑھانے جا رہا ہے۔رپورٹ کے مطابق ٹاک ٹاک کمپنی کی جانب سے یہ اپ ڈیٹ پلیٹ فارم کو مزید بہتر سوشل اسپیس بنانا ہے۔

(جاری ہے)

تاکہ صارفین شارٹ فارم ویڈیو کانٹنٹ کے ساتھ دوستوں اور کمیونیٹیز کے ساتھ رابطہ کر سکیں۔

کمپنی کے ترجمان جاشیل جونز کے مطابق یہ نئے فیچرز ان تمام ٹک ٹاکرز کو دستیاب ہوں گے جن کو ڈی ایمز تک رسائی ہے۔ترجمان نے واضح کیا کہ یہ تبدیلیاں کم عمر صارفین کے لیے نہیں ہوں گی۔ ڈائریکٹ میسجنگ صرف ان صارفین کے لیے دستیاب ہو گی جن کی عمر 16 برس یا اس سے زیادہ ہو گی۔ٹک ٹاک نے تصدیق کی کہ یہ تبدیلی آئندہ چند ہفتوں میں بتدریج جاری کی جائے گی۔

Facebook Twitter Google + Share on Whatsapp

ٹک ٹاک کا صارفین کیلئے نئے فیچرز متعارف کرانے کا فیصلہ

متعلقہ عنوان :

مزید قومی خبریں