عوام کو سہولیات کی فراہمی اولین ترجیح ، عوامی شکایات کا بروقت ازالہ ممکن بنایا جائے۔ ایم ڈی واسا

پیر 1 ستمبر 2025 21:10

لاہور (اُردو پوائنٹ اخبارتازہ ترین - اے پی پی۔ 01 ستمبر2025ء) وزیراعلی پنجاب مریم نواز کے وژن کی روشنی میں واسا لاہور عوامی خدمت کے جذبے کے ساتھ سرگرم عمل ہے۔ اسی سلسلے میں ایم ڈی واسا غفران احمد کی زیر صدارت کمپلینٹ مینجمنٹ سسٹم کا آن لائن جائزہ اجلاس منعقد ہوا، جس میں تمام ٹاونز کے ڈائریکٹرز آپریشنز اور ایکسئینز نے آن لائن شرکت کی۔اجلاس میں شہریوں کی جانب سے موصول ہونے والی ہفتہ وار شکایات، ان کے فوری حل اور فیڈ بیک کے نظام کا تفصیلی جائزہ لیا گیا۔

(جاری ہے)

غفران احمد نے افسران کو ہدایت کی کہ شہریوں کی ہر شکایت کا فوری اندراج کیا جائے، موثر طریقے سے حل کیا جائے اور فیڈ بیک لازمی لیا جائے تاکہ عوامی مسائل کے تیز رفتار ازالے کو یقینی بنایا جا سکے۔انہوں نے واضح کیا کہ عوامی شکایات کا بروقت ازالہ واسا لاہور کی اولین ترجیح ہے، اس لیے تمام افسران کو شہری خدمت کو اپنی پہلی ترجیح بنانی چاہئے۔مزید برآں انہوں نے ہدایات جاری کرتے ہوئے کہا کہ تمام ڈرینز سے فلوٹنگ میٹریل کی صفائی کو خصوصی طور پر یقینی بنایا جائے جبکہ ڈرینز میں کوڑا کرکٹ پھینکنے والوں کے لاف جرمانے بھی عائد کیے جائیں تاکہ نکاسی آب کے نظام کو بہتر اور موثر بنایا جا سکے۔