زلمی فائونڈیشن کا افغان زلزلہ متاثرین کے لیے ایک کروڑ روپے کا اعلان

پیر 1 ستمبر 2025 21:40

پشاور (اُردو پوائنٹ اخبارتازہ ترین - این این آئی۔ 01 ستمبر2025ء)زلمی فائونڈیشن کی جانب سے افغانستان زلزلہ متاثرین کے لیے ایک کروڑ روپے کا اعلان کیا گیا ہے۔پشاور زلمی اور زلمی فاونڈیشن کے چیئرمین جاوید آفریدی نے افغانستان میں زلزلے سے تباہی اور جانی نقصان پر گہرے دکھ کا اظہار کیا ہے۔سوشل میڈیا پر اپنے پیغام میں جاوید آفریدی نے لکھا کہ افغانستان میں زلزلے سے ہونیوالے نقصان پر آفغان بھائیوں کے غم میں برابر کے شریک ہیں۔

(جاری ہے)

جاوید آفریدی نے زلمی فاونڈیشن کی جانب سے افغانستان کے زلزلہ متاثرین کے لیے ایک کروڑ روپے امداد کا اعلان کیا اور کہا کہ وہ زلزلے میں زخمی ہونیوالوں کی جلد صحتیابی کے لیے دعاگو ہیں۔یاد رہے کہ زلمی فاؤنڈیشن ماضی میں بھی افغانستان میں ہونیوالی قدرتی آفات پر افغان بھائیوں سے اظہار یک جہتی اور امداد فراہم کرچکی ہے۔واضح رہے کہ افغانستان میں رات گئے تباہ کن زلزلے کے نتیجے میں 800 سے زائد افراد ہلاک اور 2700 سے زائد زخمی ہوگئے، صرف صوبہ کنڑ میں 800 افراد جاں بحق ہوئے اور کئی گاؤں مٹی تلے دب گئے، صوبہ ننگرہار اور لغمان میں بھی جانی نقصان ہوا۔