آسٹریلین فاسٹ بولر مچل سٹارک کا ٹی 20 انٹرنیشنل سے ریٹائرمنٹ کا اعلان

فاسٹ بولر بدستور ٹیسٹ اور ون ڈے کرکٹ میں آسٹریلیا کی نمائندگی جاری رکھیں گے

ذیشان مہتاب منگل 2 ستمبر 2025 11:26

آسٹریلین فاسٹ بولر مچل سٹارک کا ٹی 20 انٹرنیشنل سے ریٹائرمنٹ کا اعلان

سڈنی (اردو پوائنٹ تازہ ترین اخبار ۔ 2 ستمبر 2025ء ) آسٹریلیا کے تجربہ کار فاسٹ بولر مچل اسٹارک نے ٹی ٹوئنٹی انٹرنیشنل کرکٹ کو خیرباد کہہ دیا۔

کرکٹ آسٹریلیا کے مطابق اسٹارک نے ٹیسٹ اور ون ڈے فارمیٹ پر اپنی تمام تر توجہ مرکوز کرنے کے لیے یہ فیصلہ کیا ہے۔

35 سالہ اسٹارک گزشتہ سال ٹی ٹوئنٹی ورلڈ کپ کے بعد سے کوئی انٹرنیشنل ٹی ٹوئنٹی نہیں کھیل رہے تھے اور اب وہ صرف ٹیسٹ اور ون ڈے کرکٹ میں آسٹریلیا کی نمائندگی کریں گے تاہم وہ ڈومیسٹک ٹی ٹوئنٹی لیگز، بشمول آئی پی ایل میں حصہ لیتے رہیں گے۔

(جاری ہے)