کھاریاں ، پولیس کا جرائم پیشہ عناصر کے خلاف کریک ڈائون جاری 7 ملزمان گرفتار

منگل 2 ستمبر 2025 13:59

کھاریاں(اُردو پوائنٹ اخبارتازہ ترین - این این آئی۔ 02 ستمبر2025ء)پولیس کا جرائم پیشہ عناصر کے خلاف کریک ڈائون جاری7ملزمان گرفتار۔اڑھائی کلو سے زائد چرس، رائفل کلاشنکوف، رائفل 12بور اور 2 عدد پسٹل 30 بور برآمد تفصیلات کے مطابق ڈی پی او رانا عمر فاروق کی زیر قیادت منشیات فروشوں اور ناجائز اسلحہ برداروں کے خلاف کاروائیاں جاری ہیں۔

(جاری ہے)

اس سلسلہ میں ڈی ایس پی کھاریاں سرکل شاہد محمود کی زیر نگرانی ایس ایچ او تھانہ ککرالی انسپکٹر فیاض احمد نے اپنی پولیس ٹیم کے ہمراہ منشیات فروشوں اور ناجائز اسلحہ برداروں کے خلاف کاروائیاں کرتے ہوئے 3ملزمان کو گرفتار کر لیا۔

گرفتار ملزمان میں 1۔ عثمان حیدر 2۔ سلیمان 3۔ سفیان علی شامل ہیں۔ جن کے قبضہ سے 2460 گرام چرس اور پسٹل 30بور برآمد کر لیا گیا۔ جبکہ ڈی ایس پی سٹی سرکل رائے سرفراز یوسف کی زیر نگرانی ایس ایچ او تھانہ بی ڈویژن SI ضیغم عباس نے اپنی پولیس ٹیم کے ہمراہ کاروائی کرتے ہوئے 4 ملزمان کو گرفتار کر لیا۔ گرفتار ملزمان میں 1۔ سردار خان 2۔ محمد رمضان 3۔ محمد نوید 4۔ طلحہ ساجد شامل ہیں۔ گرفتارملزمان کے قبضہ سے رائفل کلاشنکوف،رائفل12بور،پسٹل 30بور اور 120چرس برآمد کر لی۔گرفتار ملزمان کے خلاف الگ الگ مقدمات درج کر کے مزید تفتیش کا آغاز کر دیا گیا۔