مظفرآباد ،132 کے وی ٹرانسمیشن لائن میں خرابی ، بجلی کا بڑا بریک ڈاؤن، متعدد علاقوں میں بجلی کی فراہمی معطل ، انٹر نیٹ سروس بھی متاثر

منگل 2 ستمبر 2025 17:08

مظفرآباد (اُردو پوائنٹ اخبارتازہ ترین - این این آئی۔ 02 ستمبر2025ء)وادی نیلم میں بجلی کا بڑا بریک ڈاؤن ہوا ، جس کے باعث متعدد علاقوں میں بجلی کی فراہمی معطل ہوگئی اور موبائل فون اور انٹرنیٹ سروسز بھی متاثر ہوئی ہیں۔تفصیلات کے مطابق وادی نیلم میں 132 کے وی ٹرانسمیشن لائن میں خرابی کے باعث بڑے پیمانے پر بجلی کا بریک ڈاؤن ہو گیا، جس کے نتیجے میں متعدد علاقے بجلی سے محروم رہے ۔

(جاری ہے)

ذرائع نے بتایا کہ تحصیل اٹھ مقام میں جاگراں پاور ہاؤس سے نیشنل گرڈ کو جانے والی ٹرانسمیشن لائن بٹ منگ کے مقام پر ٹوٹ گئی، جس کے باعث سب ڈویژن پٹہکہ اور قریبی علاقوں میں بجلی معطل ہو گئی۔بجلی کی بندش کے باعث کئی علاقوں میں موبائل فون اور انٹرنیٹ سروسز بھی متاثر ہوئی ہیں۔محکمہ برقیات کے مطابق واپڈا کی ٹیمیں مرمت کے کام میں مصروف ہیں اور جلد ٹرانسمیشن لائن بحال ہونے کی توقع ہے۔