صوبائی محتسب بلوچستان کی بروقت کارروائی ، محکمہ خزانہ نے محکمہ تعلیم کے ریٹائرڈ سپرنٹنڈنٹ کو زائد کٹوتی کردہ رقم واپس کر دی

منگل 2 ستمبر 2025 17:08

کوئٹہ (اُردو پوائنٹ اخبارتازہ ترین - اے پی پی۔ 02 ستمبر2025ء) صوبائی محتسب بلوچستان کی بروقت کارروائی پر محکمہ خزانہ نے محکمہ تعلیم کے ریٹائرڈ سپرنٹنڈنٹ محمد رمضان ولد حاجی علی خان کو زائد کٹوتی کردہ رقم واپس کر دی۔

(جاری ہے)

شکایت گزار نے موقف اختیار کیا تھا کہ جنرل انشورنس کیس میں 860 روپے ماہانہ کی بجائے 1520 روپے کٹوتی کی گئی جس سے ان کے واجبات میں 8660 روپے زائد منہا ءہو گئے۔ محتسب دفتر نے کیس کی سماعت کے بعد محکمہ خزانہ سے جواب طلب کیا، جس پر متعلقہ ادارے نے 8640 روپے شکایت گزار کے اکاؤنٹ میں جمع کرا دیے۔شکایت گزار نے 31 جولائی 2025 کو دفتر محتسب کو خط لکھ کر شکریہ ادا کیا اور کیس نمٹانے کی درخواست کی۔ بعد ازاں کیس کو نمٹا دیا گیا اور فریقین کو مطلع کر دیا گیا۔