گورنر فیصل کریم کنڈی سے بیڈمنٹن کھلاڑیوں کی ملاقات، عالمی ایوارڈ کے حصول پر مبارکباد

منگل 2 ستمبر 2025 20:00

پشاور (اُردو پوائنٹ اخبارتازہ ترین - اے پی پی۔ 02 ستمبر2025ء) گورنر خیبرپختونخوا فیصل کریم کنڈی سے بھوٹان میں ساؤتھ ایشین ریجنل بیڈمنٹن چیمپئن شپ میں تین ایوارڈ یافتہ کھلاڑی قاری عدنان خلیل اور حمداللہ خلیل نے ملاقات کی ۔گورنر ہائوس پشاور کےتر جمان کے مطابق ملاقات کے موقع پر خیبرپختونخوا بیڈمنٹن ٹیم کے ہیڈکوچ ندیم خان خلیل اور کوچ حیات اللہ بھی موجود تھے ۔

(جاری ہے)

وفد سے گفتگو کرتے ہوئے گورنر خیبرپختونخوا فیصل کریم کنڈی نے کھلاڑیوں کو عالمی ایوارڈ کے حصول پر مبارکباد دی، انہوں نے کہا کہ ہمارے صوبہ کے نوجوان باصلاحیت ہیں ،صرف انکی رہنمائی اور سرپرستی کی ضرورت ہے۔ انہوں نے کہا کہ رواں ماہ گورنر ہاؤس میں خیبر پختون خوا کے باصلاحیت کھلاڑیوں کی صلاحیتوں کو خراج تحسین پیش کرنے کے حوالے سے ایوارڈ کی تقسیم کی تقریب کا انعقاد کیا جا رہا ہے جس کے بعد ہم صوبہ کے مخیر حضرات اور مخلف اداروں سے اڈاپڈ پلیئر کے نام سے ایپلیکیشن لانچ کر رہے ہیں تاکہ کھلاڑیوں کی سرپرستی کے عمل کو یقینی بنایا جائے، انہوں نے اس موقع پر وفد کے شرکاء کو خصوصی شیلڈز پیش کیں۔