آئیسکو نے بوجہ ضروری سالانہ سسٹم مینٹیننس/ڈویلپمنٹ ورکس/اے ایم آئی میٹرز تنصیب کے باعث بجلی بندش کا شیڈول جاری کر دیا

منگل 2 ستمبر 2025 20:10

اسلام آباد (اُردو پوائنٹ اخبارتازہ ترین - اے پی پی۔ 02 ستمبر2025ء) اسلام آباد الیکٹر ک سپلائی کمپنی (آئیسکو ) نے بوجہ ضروری سالانہ سسٹم مینٹیننس/ڈویلپمنٹ ورکس/اے ایم آئی میٹرز تنصیب کے باعث عارضی بجلی بندش کا شیڈول جاری کر دیا۔ ترجمان آئیسکو کی جانب سے جاری بیان کے مطابق آئیسکو ریجن کے اسلام آباد،راولپنڈی ، اٹک،چکوال اور جہلم سرکلز کے مختلف علاقوں کو بجلی سپلائی کر نے والے فیڈرز پردرج ذیل شیڈول کے مطابق بجلی کی سپلائی عارضی طور پر معطل رہے گی۔

(جاری ہے)

شیڈول کے مطابق کل 3ستمبر کو صبح7 بجے سے دن12 بجے تک، راولپنڈی سٹی سرکل،ایف بلاک،واسا،اے بلاک،چئیرنگ کراس،مدینہ کالونی فیڈرز، صبح7بجے تاشام 4بجے تک ،جی ایس او سرکل،132KVاسلام گڑھ اورچکسواری گرڈ اسٹیشن پر متبادل ذرائع سے بجلی کی فراہمی جاری رہے گی تاہم ضرورت پڑنے پر 20میگا واٹ کی لوڈ مینجمنٹ کی جا سکتی ہے۔مزید اونہہ ٹائون۔1 فیڈر اور گردونواح بند رہیں گے۔ آئیسکو انتظامیہ اپنے معزز صارفین سے بجلی کی بندش پر معذرت خواہ ہے۔ وقت سے قبل کام مکمل ہونے کی صورت میں بجلی کی سپلائی مقررہ شیڈول سے پہلے بھی بحال کی جا سکتی ہے۔