کوئٹہ سے افغان مہاجرین کے قائم کردہ سکولوں کو سیل ،اساتذہ و طلبا کو ڈی پورٹ کیا جائیگا ، ڈپٹی کمشنر

جمعرات 4 ستمبر 2025 22:05

کوئٹہ(اُردو پوائنٹ اخبارتازہ ترین - این این آئی۔ 04 ستمبر2025ء) ڈپٹی کمشنر کوئٹہ مہراللہ بادینی کی زیر صدارت ڈسٹرکٹ ایجوکیشن گروپ کا اجلاس منعقد ہوا۔اجلاس میں ایڈیشنل ڈپٹی کمشنر جنرل، تمام سب ڈویڑنز کے اسسٹنٹ کمشنرز، ڈسٹرکٹ ایجوکیشن آفیسر (میل و فیمیل)، ڈسٹرکٹ خزانہ آفیسر اور دیگر متعلقہ افسران نے شرکت کی۔اجلاس میں غیر رجسٹرڈ افغان مہاجرین کے زیر انتظام اسکولوں کے بارے میں تفصیلی بریفنگ دی گئی۔

بتایا گیا کہ یہ اسکول افغان مہاجرین نے قائم کیے ہیں جن میں اساتذہ اور طلبا بھی افغان شہری ہیں۔ یہ اسکول زیادہ تر ہزارہ ٹاؤن، پشتون آباد، علمدار روڈ، کرانی اور قمبرانی کے علاقوں میں واقع ہیں۔ متعلقہ افسران نے ان اسکولوں کا دورہ کرکے تفصیلی ڈیٹا جمع کیا جس میں اساتذہ اور طلبا کی تعداد بھی شامل ہے۔

(جاری ہے)

حکومتی فیصلے کے مطابق ان اسکولوں کو سیل کیا جائے گا اور اساتذہ و طلبا کو ڈی پورٹ کیا جائے گا۔

اجلاس میں نئے تعینات ہونے والے اساتذہ کی تنخواہوں کی ادائیگی کے حوالے سے بھی تفصیلی بات چیت اور فیصلے کیے گئے۔ اجلاس میں بتایا گیا کہ کوئٹہ کے مختلف اسکولوں میں تجاوزات کے معاملات سامنے آئے ہیں۔ اس حوالے سے چشمہ اچوزئی اسکول اور نواب اکبر خان بگٹی اسکول سے تمام تجاوزات ختم کرنے کی رپورٹ پیش کی گئی۔ ڈپٹی کمشنر کوئٹہ نے ہدایت کی کہ باقی اسکولوں میں بھی ایک ہفتے کے اندر تجاوزات کا خاتمہ یقینی بنایا جائے۔

Facebook Twitter Google + Share on Whatsapp

کوئٹہ سے افغان مہاجرین کے قائم کردہ سکولوں کو سیل ،اساتذہ و طلبا کو ڈی پورٹ کیا جائیگا ، ڈپٹی کمشنر

متعلقہ عنوان :

مزید قومی خبریں