انڈر 23 ایشین کپ فٹبال کوالیفائر، پاکستان کو 1 اور شکست

گروپ جی میں کھیلے جانے والے میچ میں پاکستانی ٹیم کو میزبان کمبوڈیا کے ہاتھوں ایک صفر سے شکست

اتوار 7 ستمبر 2025 12:10

کمبوڈیا(اُردو پوائنٹ اخبارتازہ ترین - این این آئی۔ 07 ستمبر2025ء)ایشین فٹ بال فیڈریشن (اے ایف سی) انڈر 23 ایشین کپ کوالیفائر میں پاکستانی ٹیم کو ایک اور شکست کا سامنا کرنا پڑ گیا۔کمبوڈیا کے اولمپک اسٹیڈیم میں گروپ جی میں کھیلے جانے والے میچ میں پاکستانی ٹیم کو میزبان کمبوڈیا کے ہاتھوں ایک صفر سے شکست کا سامنا رہا۔

(جاری ہے)

اے ایف سی انڈر 23 ایشین کپ 2026ء کے لیے جاری ایونٹ میں پاکستان کو مسلسل 2 میچوں میں شکست کا سامنا کرنا پڑا ہے۔

پاکستانی ٹیم اس شکست کے بعد کوالیفائرنگ راؤنڈ سے آؤٹ ہو گئی، گرین شرٹس کو پہلے میچ میں عراق کے ہاتھوں 8-1 سے شکست ہوئی تھی۔قومی ٹیم گروپ اسٹیج کا آخری میچ 9 ستمبر کو عمان کے خلاف کھیلے گی۔گروپ میں عراق 6 پوائنٹس کے ساتھ پہلے او ر کمبوڈیا 4 پوائنٹس کے ساتھ دوسری پوزیشن پر ہے۔