پنجاب بھرمیں 1446ٹریفک حادثات ، 09افراد جاں بحق، 1748زخمی ہوئے،ترجمان

اتوار 7 ستمبر 2025 18:30

لاہور (اُردو پوائنٹ اخبارتازہ ترین - اے پی پی۔ 07 ستمبر2025ء) پنجاب بھرمیں 1446ٹریفک حادثات میں 09افراد جاں بحق اور1748زخمی ہوئے ،ترجمان ریسکیو کے مطابق ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1446ٹریفک حادثات پر ریسپانڈ کیا جن میں 798افراد شدید زخمی ہوگئے جنہیں فوری طور پر نزدیکی ضلعی و تحصیل ہسپتالوں میں منتقل کیا گیا جبکہ950معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی ، ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 895ڈرائیورز،61کم عمرڈرائیور،671مسافراور191پیدل چلنے والے افراد متاثر ہوئے، ترجمان کیمطابق275ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت352متاثرین کے ساتھ پہلے، فیصل آباد121حادثات میں 143متاثرین کے ساتھ دوسر ے اورگوجرانوالہ 94حادثات میں 107متاثرین کے سا تھ تیسرے نمبرپررہا۔