؁جشن عیدمیلادالنبی صلی اللہ علیہ والہ وسلم کا تقاضا ہے کہ ہم اتباع سنت پر صدق دل سے عمل پیرا ہوں‘ اسسٹنٹ کمشنر سٹی عادل عمر

اتوار 7 ستمبر 2025 19:05

m فیصل آباد(اُردو پوائنٹ اخبارتازہ ترین - آن لائن۔ 07 ستمبر2025ء) جشن عیدمیلادالنبی صلی اللہ علیہ والہ وسلم کا تقاضا ہے کہ ہم اتباع سنت پر صدق دل سے عمل پیرا ہوں کیونکہ اسوہ حسنہ کی پیروی سے ہی ہماری دنیاوی واخروی زندگی سنور سکتی ہے۔یہ بات اسسٹنٹ کمشنر سٹی عادل عمر نے چوک گھنٹہ گھر میں مرکزی میلادکمیٹی کے ممبران کے ہمراہ1500ویں جشن عیدمیلادالنبی کا کیک کاٹنے کی تقریب سے خطاب کرتے ہوئے کہی۔

سابق ایم پی اے میاں طاہر جمیل،صدر مرکزی میلاد کمیٹی منیر احمد نورانی،الحاجی شیخ ظہیر سمیت میلادکمیٹی کے دیگر ارکان کے علاوہ عاشقان رسول کی بہت بڑی تعداد موجود تھی۔اسسٹنٹ کمشنر سٹی نے کہا کہ نبی آخرالزمان سے گہری محبت ہمارا ایمان ہے اورہمیں سیرت النبی ؐ کو اپنی زندگیوں کا اوڑھنا بچھونا بنانا چاہیے۔

(جاری ہے)

انہوں نے کہا کہ سیرت مبارکہ سے ہمیں احترام انسانیت،صبروتحمل،امن ومحبت کا درس ملتا ہے لہذا عیدمیلادالنبیؐ کے موقع پر ہمیں قرآن وسنت کی پیروی کا پختہ عزم کرنا چاہیے جو کہ حب رسول کا اہم ترتین تقاضا ہے۔

انہوں نے کہا کہ ضلعی انتظامیہ معاشرتی امن وسلامتی کو برقرار رکھنے کے لئے عام حالات اور خصوصاً مذہبی ایام اور تہواروں پر بھی انتظامی وحفاظتی اقدامات کے لئے ہمہ تن پرعزم ہے تاہم اس سلسلے میں کمیونٹی کا کردار انتہائی اہمیت کا حامل ہے۔میاں طاہر جمیل نے کہا کہ عشق رسول صلی اللہ علیہ والہ وسلم ہمارے ایمان کا حصہ ہے اورہم آپس میں مثالی اتحاد واتفاق ویگانگت کے ذریعے حضرت محمد صلی اللہ علیہ والہ وسلم سے گہری عقیدت کا اظہار کررہے ہیں۔

انہوں نے میلادکمیٹی کے زیراہتمام جشن عیدمیلادکی تقریب کے انعقاد پر منتظمین کی کاوشوں کو سراہا۔میلادکمیٹی کے ارکان نے جشن عیدمیلادالنبیؐ کے جلوسوں کی بہترین سیکورٹی اوردیگر انتظامات پربہترین انداز میں عملدرآمد کے سلسلے میں ضلعی انتظامیہ وپولیس کی موثر اورجامع حکمت عملی کو سراہا اور تقریب میں شرکت پر مہمانوں کا شکریہ ادا کیا۔اس موقع پر سبز پرچم بھی لہرایا گیا۔تقریب کے اختتام پر ملک وقوم کی ترقی وسربلندی اورامن وآشتی کی خصوصی دعا بھی کی گئی۔

Facebook Twitter Google + Share on Whatsapp

؁جشن عیدمیلادالنبی صلی اللہ علیہ والہ وسلم کا تقاضا ہے کہ ہم اتباع سنت پر صدق دل سے عمل پیرا ہوں‘ اسسٹنٹ کمشنر سٹی عادل عمر

مزید قومی خبریں