تمنابھاٹیا آپ کو کیسی لگتی ہیں؟ صحافی کے سوال پر عبدالرزاق نے اپنا جواب دیدیا

دونوں کے مابین افواہوں کی وجہ ایک پرانی تصویر تھی جس میں تمنا بھاٹیا اور عبدالرزاق کو جیولری کی دکان پر ایک ساتھ دیکھا گیا

ذیشان مہتاب پیر 8 ستمبر 2025 11:51

تمنابھاٹیا آپ کو کیسی لگتی ہیں؟ صحافی کے سوال پر عبدالرزاق نے اپنا ..

کراچی (اردو پوائنٹ تازہ ترین اخبار ۔ 8 ستمبر 2025ء ) قومی کرکٹ ٹیم کے سابق آل راؤنڈر عبدالرزاق نے بھارتی اداکارہ تمنا بھاٹیا سے متعلق پوچھے گئے سوال پر جواب دیا کہ کیمرے پر تمام ہی لڑکیاں اچھی لگتی ہیں۔

کراچی میں میڈیا سے گفتگو کے دوران صحافی نے عبدالرزاق سے سوال کیا کہ تمنا بھاٹیا آپ کو کیسی لگتی ہیں؟ اس پر عبدالرزاق نے مسکراتے ہوئے جواب دیا کہ کیمرے پر تمام ہی لڑکیاں اچھی لگتی ہیں۔

عبدالرزاق کا کہنا تھا کہ بھارتی اداکارہ تمنا بھٹیا سے ملاقات ہوئے 12 سال ہوگئے ، ایک فنکشن میں ان سے ملاقات ہوئی تھی، تمنا بھاٹیا بہت اچھی ایکٹریس ہیں۔

خیال رہے کہ 2020ء میں بھارتی میڈیا اور انٹرنیٹ پر یہ افواہیں زیرگردش تھیں کہ سابق پاکستانی کرکٹر عبدالرزاق نے تمنا بھاٹیا سے خفیہ شادی کرلی ہے۔

(جاری ہے)

اس کی وجہ ایک پرانی تصویر تھی جس میں اداکارہ اور عبدالرزاق کو جیولری کی دکان پر ایک ساتھ دیکھا گیا۔

گزشتہ دنوں ایک انٹرویو میں اس حوالے سے بات کرتے ہوئے اداکارہ تمنا بھاٹیا نے ہنستے ہوئے کہا تھا کہ 'مزاق مزاق میں، عبدالرزاق! انٹرنیٹ واقعی ایک مزے کی جگہ ہے'۔ انٹرنیٹ کے مطابق تو میری عبدالرزاق سے شادی بھی ہو چکی تھی!۔

انہوں نے عبدالرزاق کو مخاطب کرتے ہوئے کہا کہ معاف کیجئےگا سر، آپ کے تو بچے ہیں۔

تمنا بھاٹیا نے وضاحت کی کہ وہ تصویر دراصل ایک جیولری کی دکان کے افتتاح کے موقع کی ہے، جہاں عبدالرزاق اور وہ اتفاقاً شریک ہوئے تھے، یہ بہت عجیب ہوتا ہے جب کسی سے کوئی تعلق ہی نہ ہو اور لوگ خود سے کہانیاں بنا لیں، لیکن آپ کچھ نہیں کرسکتے، وقت لگتا ہے، پھر آپ کو قبول کرنا پڑتا ہے کہ لوگ جو چاہیں گے وہی سوچیں گے، آپ ہر کسی کو بیٹھ کر سمجھا نہیں سکتے۔