Live Updates

چیئرمین کرکٹ بورڈ محسن نقوی کی ٹی ٹوئنٹی سیریز جیتنے پر ٹیم کو مبارکباد

پیر 8 ستمبر 2025 17:53

لاہور(اُردو پوائنٹ اخبارتازہ ترین - این این آئی۔ 08 ستمبر2025ء)چیئرمین پی سی بی محسن نقوی نے تین ملکی ٹی ٹوئنٹی سیریز جیتنے پر پاکستانی ٹیم کو مبارکباد دی ہے۔محسن نقوی کا کہنا تھا کہ یہ نئی اور باصلاحیت ٹیم ہے جو بلاخوف اور جارحانہ کرکٹ کھیلتی ہے۔چیئرمین پی سی بی نے کہا کہ ہیڈ کوچ مائیک ہیسن کی قیادت میں ہم نی14 میں سی10 ٹی ٹوئنٹی میچ جیتے، ہمیں اپنے کھلاڑیوں اور سیلکٹرز پر یقین رکھنا چاہیے۔

(جاری ہے)

انہوں نے کہا کہ جیت سے کھلاڑیوں کا مورال بلند ہوا، امید ہے پاکستانی ٹیم ایشیا کپ میں بھی ایسی ہی عمدہ کارکردگی دکھائے گی۔ محسن نقوی کا کہنا تھا کہ تنقید اور تجزیے کے لیے ٹورنامنٹ کے اختتام تک انتظار کرنا چاہیے اس وقت یہ کھلاڑی ہمارے اعتماد اور حمایت کے مستحق ہیں۔چیئرمین پی سی بی نے ہیٹ ٹرک اور جارحانہ بیٹنگ پر محمد نواز کی آل راؤنڈ کارکردگی کی خصوصی طور پر تعریف کرتے ہوئے کہا کہ ویلڈن محمد نواز، بلاشبہ محمد نواز کی بولنگ نے میچ کا پانسہ پلٹ دیا۔ ان کا مزید کہنا تھا کہ پاکستانی کھلاڑیوں نے کم اسکور کے باوجود فائنل میں افغانستان کو ہرایا۔