سعودی وزیر خارجہ کی نئی برطانو ی ہم منصب سے ٹیلی فونک بات چیت ، عہدہ سنبھالنے پر مبارکباد دی

پیر 8 ستمبر 2025 14:34

ریاض (اُردو پوائنٹ اخبارتازہ ترین - این این آئی۔ 08 ستمبر2025ء)سعودی وزیر خارجہ شہزادہ فیصل بن فرحان اور برطانیہ کی نئی وزیرخارجہ یویٹ کوپر کاٹیلی فون پر رابطہ ہوا ہے۔

(جاری ہے)

عرب ٹی وی کے مطابق شہزادہ فیصل بن فرحان نے یویٹ کوپر کو عہدہ سنبھالنے پر مبارکباد دی اور اس امید کا اظہار کیا کہ سعودی عرب اور برطانیہ مشترکہ مفادات کو پورا کرنے کیلیے جوائنٹ ورک جاری رکھیں گے، خطے اور دنیا میں امن کوششوں کو فروغ دیں گے۔دونوں وزرائے خارجہ نے خطے کی صورتحال اور اس حوالے سے کی جانے والی کوششوں پر بھی تبادلہ خیال کیا۔یاد رہے برطانوی وزیراعظم کیئرسٹارمر نے کابینہ میں ردو بدل کرتے ہوئے وزیرخارجہ ڈیوڈ لیمی کو نائب وزیراعظم جبکہ ان کی جگہ یویٹ کوپر کو نیا وزیر خارجہ مقرر کیا ہے۔