پنجاب اسمبلی میں سینیٹ کی نشست پر ضمنی الیکشن کل ہو گا،نشست پی ٹی آئی رہنما اعجاز چوہدری کی نااہلی سے خالی ہوئی

پیر 8 ستمبر 2025 22:17

لاہور(اُردو پوائنٹ اخبارتازہ ترین - آن لائن۔ 08 ستمبر2025ء)پنجاب اسمبلی میں سینیٹ کی نشست پر ضمنی الیکشن کل منگل کو ہو گا، سینیٹ کی نشست پی ٹی آئی رہنما اعجاز چوہدری کی نااہلی سے خالی ہوئی تھی۔

(جاری ہے)

سینیٹ کی نشست کے لیے حکمران جماعت مسلم لیگ ن اور اتحادیوں نے رانا ثناء اللّٰہ کو امیدوار بنایا ہے جبکہ اپوزیشن کی جانب سے اعجاز چوہدری کی اہلیہ سلمیٰ اعجاز امیدوار ہیں۔

دوسری جانب پی ٹی آئی رہنما معین قریشی نے کہا ہے کہ اپوزیشن کا کوئی رکن اسمبلی گیا تو پارٹی پالیسی کی خلاف ورزی کا مرتکب ہو گا۔پنجاب اسمبلی میں ووٹنگ کا عمل صبح 9 بجے سے شام 5 بجے تک جاری رہے گا۔واضح رہے کہ سینیٹ الیکشن میں جیت کے لیے امیدوار کو 180 ووٹ درکار ہوں گے۔ پنجاب اسمبلی میں ارکان کی مجموعی تعداد 363 ہے۔