سپر ٹیکس سے متعلق کیس،وکیل ایف بی آر کو عدالتی فیصلوں کی بریف سمری جمع کرانے کی ہدایت

پیر 8 ستمبر 2025 20:20

اسلام آباد (اُردو پوائنٹ اخبارتازہ ترین - این این آئی۔ 08 ستمبر2025ء)سپریم کورٹ نے سپر ٹیکس کیس میں وکیل ایف بی آر کو عدالتی فیصلوں کی بریف سمری جمع کرانے کی ہدایت کردی۔ پیر کو سپریم کورٹ میںجسٹس امین الدین خان کی سربراہی میں 5رکنی آئینی بینچ نے کیس پر سماعت کی۔

(جاری ہے)

ایف بی آر کی وکیل عصمہ حامد نے دلائل کا آغاز کیا اور موقف اپنایا کہ کسی ٹیکس پیئر نے لاہور ہائی کورٹ کا فیصلہ چیلنج نہیں کیا، اسلام آباد ہائی کورٹ میں دونوں سیکشنز کا فیصلہ ہو چکا ہے۔

وکیل ایف بی آر نے کہا کہ 2022 میں 89 درخواست گزاروں نے اسلام آباد ہائیکورٹ میں درخواستیں دائر کی تھیں۔جسٹس محمد علی مظہر نے استفسار کیا کہ تمام عدالتی فیصلوں میں ایک سی چیز کیا ہی ، انہوں نے ہدایت دی کہ تمام عدالتی فیصلوں کی بریف سمری عدالت میں جمع کروا دیں۔عصمہ حامد نے موقف اختیار کیا کہ لاہور ہائیکورٹ کے فیصلے میں اکثریت نے اسلام ہائی کورٹ میں درخواست دائر کی تھی، کیس کی سماعت کل صبح ساڑھے نو بجے تک ملتوی کر دی گئی۔