Live Updates

مریم اورنگزیب وزراء سمیت رات گئے بند پر پہنچ گئیں

جلالپور پیروالا کے نواحی بلوچ واہ بند کا دورہ،سینئر منسٹر اور وزراء نے بستی بہاراں کے قریب بند کا شگاف پر کرنے کا جائزہ لیا سینئر منسٹر مریم اورنگزیب کی بند کا شگاف جلد از جلد مکمل کرنے کی ہدایت، صوبائی وزیر آبپاشی کاظم پیرزادہ اور سیکرٹری آبپاشی کی بریفنگ

جمعرات 11 ستمبر 2025 20:58

مریم اورنگزیب وزراء سمیت رات گئے بند پر پہنچ گئیں

لاہور (اُردو پوائنٹ اخبارتازہ ترین - این این آئی۔ 11 ستمبر2025ء) وزیر اعلیٰ پنجاب مریم نواز شریف کی ہدایت پر سینئر منسٹر مریم اورنگ زیب وزراء سمیت رات گئے بند پر پہنچ گئیں۔ سینئر منسٹر مریم اورنگ زیب نے جلالپور پیر والا کے نواحی بلوچ واہ بند کا دورہ کیا۔ سینئر منسٹر مریم اورنگ زیب اور دیگر وزراء نے بستی بہاراں کے قریب بند کا شگاف پر کرنے کا جائزہ لیا ۔

صوبائی وزیر آبپاشی کاظم پیر زادہ اور سیکرٹری آبپاشی نے بریفنگ دی ۔

(جاری ہے)

سینئر منسٹر مریم اورنگزیب نے بند کا شگاف جلد از جلد مکمل کرنے کی ہدایت کی۔ دریں اثناء سینئر منسٹر مریم اورنگ زیب رات دو بجے پھر ریسکیو آپریشن کا جائزہ لینے کے لئے پہنچ گئیں۔ سینئر منسٹر مریم اورنگ زیب نے وزیر اعلیٰ مریم نواز شریف کی ہدایت پر 86 ایم میں ریسکیو آپریشن کا مشاہدہ کیا ۔ سینئر منسٹر مریم اورنگ زیب نے سیلاب سے درپیش صورت حال کا جائزہ لیا۔ صوبائی وزراء خواجہ سلمان رفیق،رانا سکندر حیات، پارلیمانی سیکرٹری ضیا اللہ شاہ بھی موجود تھے۔