Live Updates

وزیر تعلیم 3روز سے سیلاب زدہ علاقوں میں متاثرین کی خدمت میں مصروف

سیلاب متاثرین کی سہولیات کیلئے بروقت اور موثر اقدامات یقینی بنائے جا رہے ہیں متاثرین کے محفوظ انخلا کیلئے ہر ممکن وسائل بروئے کار لائے جا رہے ہیں‘رانا سکندر حیات

جمعرات 11 ستمبر 2025 20:30

لاہور(اُردو پوائنٹ اخبارتازہ ترین - این این آئی۔ 11 ستمبر2025ء)وزیر تعلیم رانا سکندر حیات گزشتہ 3 روز سے مسلسل ملتان میں موجود ہیں جہاں وہ رات گئے تک ریلیف کے کاموں کی نگرانی کر رہے ہیں۔ رانا سکندر حیات سیلابی صورتحال اور انتظامی سہولیات کا جائزہ لینے کے ساتھ ساتھ ریلیف کیمپوں کا دورہ کر کے متاثرین کی داد رسی میں مصروف ہیں۔ وزیر تعلیم نے انتظامیہ کو ہدایت کی ہے کہ ریلیف کے امور میں کوئی کسر نہ چھوڑی جائے اور سیلاب متاثرین کی سہولیات کیلئے بروقت اور مثر اقدامات یقینی بنائے جائیں۔

رانا سکندر حیات کا کہنا ہے کہ کہا کہ ریسکیو ٹیمیں اور ضلعی انتظامیہ ہر لمحہ سیلاب متاثرین کی خدمت میں مصروف رہیں اور ریلیف کیمپوں میں متاثرین کی ضروریات کا خیال رکھا جائے۔

(جاری ہے)

وزیر تعلیم نے کہا کہ ہم سب مل کر اس آزمائش کو عزم و حوصلے کے ساتھ عبور کریں گے۔ انہوں نے کہا کہ ہماری اولین ترجیح متاثرین کی مشکلات کم کرنا اور بچوں کے چہروں پر مسکراہٹ واپس لانا ہے۔ رانا سکندر حیات نے مزید کہا کہ وزیر اعلی پنجاب کی ہدایت پر ملتان ڈویژن میں ذمہ داری سنبھالی ہے۔ متاثرین کی مدد مکمل ذمہ داری سے کی جا رہی ہے اور ریسکیو اور ریلیف آپریشن تیز رفتاری سے جاری ہے۔ انہوں نے کہا کہ متاثرین کے محفوظ انخلا کیلئے ہر ممکن وسائل بروئے کار لائے جا رہے ہیں۔