کراچی میں تیز رفتارٹرک نے کار اور موٹر سائیکل کو کچل دیا

حادثے کے بعد ٹرک ڈرائیور موقع سے فرار ہونے میں کامیاب ہوگیا

جمعہ 12 ستمبر 2025 17:01

کراچی(اُردو پوائنٹ اخبارتازہ ترین - این این آئی۔ 12 ستمبر2025ء) جام صادق پل پر تیز رفتار ٹرک نے کار اور موٹر سائیکل کو کچل ڈالا ، جس کے نتیجے میں 2 طلبا سمیت 3 افراد زخمی ہوگئے۔

(جاری ہے)

تفصیلات کے مطابق کراچی میں ہیوی ٹریفک سے اموات کا سلسلہ تھم نہ سکا، جام صادق پل پر تیز رفتار ٹرک نے کار اور موٹرسائیکل کو ٹکر ماری ، جس کے نتیجے میں دو طلبہ سمیت تین افراد زخمی ہوگئے۔عینی شاہدین نے بتایا کہ حادثے کے بعد ٹرک ڈرائیور موقع سے فرار ہونے میں کامیاب ہوگیا۔زخمیوں کو شہریوں نے اپنی مدد آپ کے تحت موٹرسائیکل پر قریبی اسپتال منتقل کیا، جہاں ڈاکٹروں نے ان کی حالت کو تشویشناک قرار دیا ہے۔پولیس نے موقع پر پہنچ کر حادثے کی تحقیقات شروع کر دی ہیں جبکہ ٹرک ڈرائیور کی تلاش جاری ہے۔