لاہور میں ڈینگی کیسز میں اضافہ، مختلف علاقوں سے 22 نئے مریض رپورٹ

جمعہ 12 ستمبر 2025 19:08

لاہور(اُردو پوائنٹ اخبارتازہ ترین - آن لائن۔ 12 ستمبر2025ء)لاہور میں مچھروں کی افزائش بڑھنے کے باعث ڈینگی کیسز میں اضافہ ریکارڈ کیا جا رہا ہے۔ محکمہ صحت کے مطابق شہر کے مختلف علاقوں سے ڈینگی بخار کے 22 نئے مریض رپورٹ ہوئے ہیں۔اعداد و شمار کے مطابق سب سے زیادہ کیسز علامہ اقبال زون سے سامنے آئے جہاں 10 مریضوں کی تصدیق ہوئی ہے۔

(جاری ہے)

گلبرگ زون سے 3، جبکہ سمن آباد اور شالامار زون سے 2، 2 مریض رپورٹ ہوئے۔

اسی طرح عزیز بھٹی، کینٹ اور داتا گنج بخش زون سے ایک ایک کیس سامنے آیا، جبکہ نشتر اور راوی زون سے بھی ایک، ایک مریض کی تصدیق کی گئی۔محکمہ صحت کے مطابق رواں سال اب تک لاہور میں ڈینگی کے مریضوں کی مجموعی تعداد 114 ہو چکی ہے۔ حکام نے شہریوں کو احتیاطی تدابیر اپنانے اور گھروں و اردگرد کے ماحول کو صاف رکھنے کی ہدایت کی ہے۔