Live Updates

انگلینڈ کرکٹ میں ایک بار پھر جنسی ہراسانی کی گونج، نامور شخصیت کیخلاف تحقیقات شروع

انگلینڈ کرکٹ میں نامور شخصیت کے خلاف 2 خواتین پر جنسی حملہ اور نشہ آور چیز پلانے پر تحقیقات ہورہی ہیں، برطانوی میڈیا

جمعہ 12 ستمبر 2025 20:25

لندن (اُردو پوائنٹ اخبارتازہ ترین - این این آئی۔ 12 ستمبر2025ء)انگلینڈ کرکٹ میں ایک بار پھر جنسی ہراسانی کی گونج سنائی دی ہے جس کے بعد نامور شخصیت کے خلاف تحقیقات شروع ہوگئی ہیں۔برطانوی میڈیا کے مطابق انگلینڈ کرکٹ میں نامور شخصیت کے خلاف 2 خواتین پر جنسی حملہ اور نشہ آور چیز پلانے پر تحقیقات ہورہی ہیں۔برطانوی میڈیا کے مطابق 2 خواتین میں سے ایک پر جنسی حملہ کیا گیا۔

40 سال کے عمر کے شخص سے پولیس نے تفتیش کی۔برطانوی میڈیا کے مطابق اسکاٹ لینڈ یارڈ نے جون میں ساؤتھ ویسٹ لندن کے پب میں ممکنہ نشہ آور چیز پلانے کی شکایت پر 40 سالہ شخص سے سوالات کیے۔برطانوی میڈیا کے مطابق مبینہ واقعہ 22 مئی کو لندن کے علاقے میں پیش آیا۔ میٹرو پولیٹن پولیس کے مطابق 2 خواتین کو نشہ آور چیز پلانے اور ان میں سے ایک پر ممکنہ طور پر جنسی تشدد کا نشانہ بنانے کا الزام ہے۔

(جاری ہے)

پولیس کے مطابق 5 جون کو 40 سالہ شخص سے پوچ گچھ کی گئی، ابھی تحقیقات جاری ہیں اور کوئی گرفتاری عمل میں نہیں لائی گئی۔برطانوی میڈیا کے مطابق انگلینڈ اور ویلز کرکٹ بورڈ کو تحقیقات کے متعلق آگاہ کردیا گیا ہے۔گزشتہ 12 مہینوں میں جنسی بدسلوکی کا یہ دوسرا واقعہ ہے۔واضح رہے کہ اگست میں ایک کوچ کو نجی اسٹاف کی خواتین کو نامناسب تصاویر بھجوانے پر معطل کیا جاچکا ہے۔