ترقیاتی کاموں کی بروقت تکمیل کے بعد علاقے کے لوگوں کو ریلیف ملے گا ،علی مدد جتک

ہفتہ 13 ستمبر 2025 20:40

کوئٹہ (اُردو پوائنٹ اخبارتازہ ترین - اے پی پی۔ 13 ستمبر2025ء) پاکستان پیپلز پارٹی کے رکن صوبائی اسمبلی حاجی علی مدد جتک نے کہا ہے کہ ترقیاتی کاموں کی بروقت تکمیل کے بعد علاقے کے لوگوں کو ریلیف ملے گا،منصوبے معیار اور شفافیت کی بنیاد پر مکمل کیے جا رہے ہیں۔

(جاری ہے)

یہ بات انہوں نے سریاب مل کالونی اور کلی حسین آباد میں ترقیاتی منصوبوں کا معائنہ کرنے کے بعد مختلف وفود سے گفتگو کرتے ہوے کہی۔

اس موقع پررکن صوبائی اسمبلی حاجی علی مدد جتک نے کہا کہ عوامی نمائندوں پر یہ فرض عائد ہوتا ہے کہ وہ اپنے حلقے کے عوام کے مسائل حل کرنے کے لیے ہر ممکن اقدامات کریں ۔ انہوں نے کہا کہ ایم پی اے فنڈز عوام کی امانت ہیں اور انہیں نیک نیتی کے ساتھ عوام کی فلاح و بہبود پر خرچ کیا جا رہا ہے تاکہ علاقے کے عوام کو بنیادی سہولیات ان کی دہلیز پر میسر ہوں۔