Live Updates

سیلاب متاثرین کو جراثیم سے پاک اور صحت بخش صاف پانی کی فراہمی کا عمل تیز رفتاری سے جاری ہے،ق ترجمان محکمہ ہاوسنگ

ہفتہ 13 ستمبر 2025 22:50

لاہور (اُردو پوائنٹ اخبارتازہ ترین - اے پی پی۔ 13 ستمبر2025ء) وزیر اعلی پنجاب مریم نواز کی خصوصی ہدایات پر سیلاب متاثرین کو جراثیم سے پاک اور صحت بخش صاف پانی کی فراہمی کا عمل تیز رفتاری سے جاری ہے۔ ترجمان کے مطابق اب تک پنجاب صاف پانی اتھارٹی کی جانب سے 15لاکھ 77ہزار 100لیٹر پانی فراہم کیا جا چکا ہے، جس سے 5لاکھ 25ہزار 700سے زائد متاثرین مستفید ہو چکے ہیں۔

(جاری ہے)

ترجمان کے مطابق صرف گزشتہ روز ہی 1 لاکھ 92ہزار 700لیٹر پانی سیلاب متاثرہ علاقوں میں تقسیم کیا گیا۔انہوں نے کہا کہ محفوظ اور صحت بخش پانی کی فراہمی کے لیے ہنگامی بنیادوں پر کام جاری ہے تاکہ متاثرہ آبادی کو فوری ریلیف فراہم کیا جا سکے۔ترجمان کے مطابق ضلعی انتظامیہ اور پنجاب صاف پانی اتھارٹی مشترکہ طور پر ریلیف آپریشن میں سرگرم عمل ہیں۔ متاثرہ آبادی کی سہولت کو اولین ترجیح قرار دیتے ہوئے انہوں نے کہا کہ سیلاب متاثرین کو ہر ممکن سہولت فراہم کرنے کے لیے تمام دستیاب وسائل بروئے کار لائے جا رہے ہیں۔