ضلع بھر میں اشیائے ضروریہ کی فراہمی اور قیمتوں پر کڑی نگرانی رکھی جارہی ہے، ڈپٹی کمشنر سرگودھا

اتوار 14 ستمبر 2025 16:40

سرگودھا (اُردو پوائنٹ اخبارتازہ ترین - اے پی پی۔ 14 ستمبر2025ء) ڈپٹی کمشنر سرگودھا کیپٹن (ر) محمد وسیم نے کہا ہے کہ ضلع بھر میں اشیائے ضروریہ کی فراہمی اور قیمتوں پر کڑی نگرانی رکھی جارہی ہے۔ مارکیٹوں اور دکانوں میں آٹا اور چینی وافر مقدار میں دستیاب ہیں جبکہ نرخ نامے دکانوں پر نمایاں جگہوں پر آویزاں کیے گئے ہیں تاکہ شہری با آسانی سرکاری نرخ پر خریداری کر سکیں۔

انہوں نے کہا کہ سرکاری ریٹ کے مطابق 10 کلو آٹے کا تھیلا 905 روپے ، 20 کلو آٹا 1810 روپے، چینی 175 روپے فی کلو اور روٹی 14 روپے ہر جگہ دستیاب ہے۔ ڈپٹی کمشنرنےواضح کیا کہ کسی بھی سطح پرناجائزمنافع خوری یااوورچارجنگ برداشت نہیں کی جائے گی۔ انہوں نے کہا کہ عوام کو ان کے حق کے مطابق اشیائے ضروریہ مقررہ نرخ پر ہر حال میں میسر آئیں گی۔

(جاری ہے)

جو بھی دکاندار یا نانبائی خلاف ورزی کرے گا اس کے خلاف سخت کارروائی ہوگی۔

پرائس کنٹرول مجسٹریٹس کوہدایت کی گئی ہے کہ وہ صبح سے رات گئے تک فیلڈ میں موجود رہیں اور مارکیٹوں کا مسلسل معائنہ کریں اور عوام کو ریلیف کی فراہمی یقینی بنائیں۔ ڈپٹی کمشنر نے کہا کہ مختلف مقامات پر چیکنگ کے دوران نرخ نامے آویزاں نہ کرنے والے دکان داروں کو جرمانے بھی کیے گئے ہیں۔ضلعی انتظامیہ کے مطابق آٹا، چینی اور دیگر ضروری اشیاءہر جگہ وافرمقدار میں دستیاب ہیں اور عوام کو مقررہ نرخ پر ان کی فراہمی ہر صورت یقینی بنائی جا رہی ہے۔

Facebook Twitter Google + Share on Whatsapp

ضلع بھر میں اشیائے ضروریہ کی فراہمی اور قیمتوں پر کڑی نگرانی رکھی جارہی ہے، ڈپٹی کمشنر سرگودھا

متعلقہ عنوان :

مزید قومی خبریں