Live Updates

جلال پور پیروالا کے مقام پر ایم 5 موٹروے کو ہر قسم کی ٹریفک کیلئے بند کر دیا،ترجمان

اتوار 14 ستمبر 2025 17:30

لاہور (اُردو پوائنٹ اخبارتازہ ترین - اے پی پی۔ 14 ستمبر2025ء) جلال پور پیر والا کے مقام پر ایم 5موٹروے کو ہر قسم کی ٹریفک کے لیے بند کر دیا گیا ہے۔

(جاری ہے)

ترجمان پی ڈی ایم اے کے مطابق سیلابی پانی کے کٹائو کے باعث موٹروے میں بریچنگ کا خدشہ ہے، پی ڈی ایم اے پنجاب، این ایچ اے اور متعلقہ انتظامیہ موٹروے کے بچائو کے لیے اقدامات کر رہے ہیں،موٹروے کو بڑے کٹائو سے بچانے کے لیے سینڈ بیگ اور پتھر استعمال کیے جا رہے ہیں۔

ڈی جی پی ڈی ایم اے عرفان علی کاٹھیا نے کہا ہے کہ آئندہ 24 گھنٹوں میں جلال پور پیر والا میں سیلابی پانی میں واضح کمی ہو جائے گی، پنجاب کے دریائوں میں پانی کے بہائو میں تیزی سے کمی ہو رہی ہے۔انہوں نے کہاکہ پنجند کے مقام پر پانی کا بہائو کم ہو کر 3 لاکھ 92 ہزار ہو گیا ہے جبکہ گڈو بیراج کے مقام پر پانی کا بہائو 6 لاکھ 27 ہزار کیوسک ہے۔