ھ* حوالہ ہنڈی اور غیر قانونی کرنسی ایکسچینج میں ملوث نیٹ ورکس کے خلاف کاروائیاں جاری؂

ہ*ایف آئی اے پشاور زون کا کریک ڈاؤن‘ حوالہ ہنڈی میں ملوث 6 ملزمان رنگے ہاتھوں گرفتار

اتوار 14 ستمبر 2025 18:00

؁پشاور(اُردو پوائنٹ اخبارتازہ ترین - آن لائن۔ 14 ستمبر2025ء)ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے خلاف کاروائیاں جاری ہیں اورایف آئی اے پشاور زون نے کریک ڈاؤن کے دوران حوالہ ہنڈی میں ملوث 6 ملزمان رنگے ہاتھوں گرفتارکرلئے۔کمرشل بینکنگ سرکل پشاور اور کمپوزٹ سرکل ایبٹ آباد کی کاروائیاں جاری ہیں جن میں حوالہ ہنڈی اور غیر قانونی کرنسی ایکسچینج میں ملوث 6 ملزمان گرفتارکئے گئے ہیں ۔

گرفتار ملزمان میں گل بہادر، اعتبار گل، اصف خان، جمشید، ملک زادہ اور نصیب الحق شامل ہیں۔ملزمان کو مانسہرہ اور چارسدہ سے گرفتار کیا گیا ۔گرفتار ملزمان بغیر لائسنس کرنسی کی غیر قانونی ایکسچینج میں ملوث ہیں۔

(جاری ہے)

گرفتار ملزمان حوالہ ہنڈی میں بھی ملوث ہیں۔ چھاپہ مار کاروائیوں میں ملزمان سے مجموعی طور پر 62 لاکھ روپے برآمدہوئے جبکہ ملزمان سے امریکی 1100 سعودی ریال اور 14 موبائل فون بھی برآمد ہوئے۔

ملزمان سے غیر قانونی کرنسی ایکسچینج سے متعلق دیگر شواہد بھی برآمد کر لیے گئے ملزمان سے حوالہ ہنڈی سے متعلق رسیدیں اور رجسٹرز بھی برآمد کی گئی۔ملزمان کے زیر استعمال گاڑی کو بھی قبضے میں لے کرکیا گیا۔ملزمان برآمد ہونے والی کرنسی کے حوالے سے حکام کو تسلی بخش جواب نہ دے سکے ،ترجمان ایف آئی اے کے مطابق ملزمان کو گرفتار کر کے تفتیش کا آغاز کر دیا گیا ہے۔