Live Updates

کمشنر لاہور کی زیر صدارت ڈویژنل ویڈیو لنک اجلاس/سیلاب ریلیف، آٹا دستیابی، انسدادڈینگی سرگرمیاں جائزہ

ْمریم خان نے تمام اضلاع سے آٹا سٹاک،دستیابی اور روٹی قیمتوں کے حوالے سے تفصیلاً بریفنگ لی

پیر 15 ستمبر 2025 22:56

لاہور (اُردو پوائنٹ اخبارتازہ ترین - این این آئی۔ 15 ستمبر2025ء) کمشنر لاہور ڈویژن مریم خان کی زیر صدارت سیلاب ریلیف، آٹا دستیابی اور انسداد ڈینگی سرگرمیاں جائزہ کے حوالے سے ڈویژنل ویڈیو لنک اجلاس منعقد ہوا۔ اجلاس میں چاروں اضلاع کے ڈی سی ز نے کمشنر لاہور کو بریفنگ دی۔ بریفنگ دیتے ہوئے کہا ہے کہ آٹا سٹاک دستیابی و فراہمی کے لیے ہر ضلع میں روزانہ کی بنیاد پر پرائس چیکنگ کے لئے ٹیمیں سخت مانیٹرنگ کررہی ہیں، لاہور میں صرف تھیم پارک میں سیلابی پانی موجود ہے اور کافی حدتک وہاں سے بھی اتررہا ہے، شیخوپورہ آبادیوں سے مکمل اتر گیا ہے، سیلاب متاثرہ علاقوں میں متاثرین کو کھانا فراہم کیا جارہا ہے۔

کمشنر لاہور نے ڈی سیز کو ہدایت دیتے ہوئے کہا ہے کہ انسداد ڈینگی و پرائس کنٹرول کیلئے سرگرمیوں میں کوئی کوتاہی نہیں ہونی چاہیے ، بیماریوں سے تحفظ کیلئے مکمل میڈیکل کور کی ایریاز کو مسلسل فراہمی جاری رکھی جائے، سیلاب متاثرین کیلئے کھانا اور جانوروں کیلئے چارہ فراہمی کو جاری رکھا جائے۔

(جاری ہے)

کمشنر لاہور مریم خان نے کہا کہ لاہور میں 1ہزار11انسداد ڈینگی ٹیمیں ان ڈور ڈینگی لاروا سرویلنس کیلئے کام کررہی پیں۔

انہوں نے کہا کہ لاہور میں ہاٹ سپاٹس کی تعداد 26ہزار109 جبکہ آئوٹ ڈور ٹیموں کی تعداد 522ہے۔ کمشنر لاہور نے کہا کہ گزشتہ 24گھنٹوں میں ڈینگی کے 4مثبت کیسز رپورٹ ہوئے اور 548 ڈینگی لاروا ملا ہے۔کمشنر لاہور مریم خان نے کہا کہ ڈویژن میں جن جگہوں سے پانی اترا ہے وہاں کا سروے جاری ہے اور ریلیف سرگرمیاں موثر ہیں۔ اضلاع میں اب چند ریلیف کیمپس کام کررہے ہیں۔ وزیراعلی پنجاب سیلاب متاثرین کیلئے سرگرمیوں کو راونڈ دی کلاک مانیٹر کررہی ہیں۔اجلاس میں ایڈیشنل کمشنر عثمان غنی، سی ای او ہیلتھ لاہور، ڈپٹی ڈائریکٹر فوڈ نے شرکت کی جبکہ ڈی سی لاہور سید موسی رضا، ڈی سی قصور عمران علی، ڈی سی شیخوپورہ شاہد عمران مارتھ اور ڈی سی ننکانہ راو تسلیم کی بزریعہ ویڈیو لنک اجلاس میں شرکت کی۔