جنوبی وزیرستان میں دہشت گردوں کے خلاف بہادری سے لڑتے ہوئے شہید ہونے والے سپاہی فوجی اعزاز کے ساتھ سپرد خاک

پیر 15 ستمبر 2025 22:06

میرانشاہ (اُردو پوائنٹ اخبارتازہ ترین - آن لائن۔ 15 ستمبر2025ء) جنوبی وزیرستان میں دہشت گردوں کے خلاف بہادری سے لڑتے ہوئے جامِ شہادت نوش کرنے والے سپاہی نصر اللہ اور روزی خان کو بلوچستان کے آبائی علاقوں پشین اور بارکھان میں فوجی اعزاز کے ساتھ دفن کر دیا گیا۔

(جاری ہے)

دونوں شہداء کی نمازِ جنازہ میں ان کے لواحقین، سول و عسکری حکام، علاقہ عمائدین اور عوام کی بڑی تعداد نے شرکت کی، اور وطن کے لئے ان کی قربانیوں کو خراجِ عقیدت پیش کیا۔

علاقہ عمائدین اور عوام نے اپنے بہادر سپوتوں کو شاندار الفاظ میں یاد کرتے ہوئے ان کی قربانیوں کی اہمیت پر زور دیا۔ صدر مملکت ، چیف آف آرمی اسٹاف اور سینئر فوجی افسران نے شہداء کی قبروں پر پھولوں کی چادریں چڑھائی اور ان کی قربانیوں کو تسلیم کیا۔ پاک فوج نے اپنے عزم کا اعادہ کیا کہ وطن عزیز کو دہشت گردی کے ناسور سے مکمل پاک کرنے تک اس کی قربانیوں کا سفر جاری رہے گا۔