Live Updates

سیلاب متاثرین کو جراثیم سے پاک و صحت بخش صاف پانی کی فراہمی کا عمل تیزی سے جاری ہے،ترجمان محکمہ ہائو سنگ

پیر 15 ستمبر 2025 21:50

لاہور (اُردو پوائنٹ اخبارتازہ ترین - اے پی پی۔ 15 ستمبر2025ء) وزیر اعلی پنجاب مریم نواز کی خصوصی ہدایات پر سیلاب متاثرین کو جراثیم سے پاک اور صحت بخش صاف پانی کی فراہمی کا عمل تیزی سے جاری ہے۔ ترجمان محکمہ ہائو سنگ کے مطابق اب تک پنجاب صاف پانی اتھارٹی کی جانب سے 18 لاکھ 16 ہزار 200لیٹر پانی فراہم کیا جا چکا ہے، جس سے 6لاکھ 5ہزار 400متاثرین مستفید ہو چکے ہیں۔

(جاری ہے)

ترجمان کے مطابق صرف گزشتہ روز ہی 1لاکھ 11ہزار 200لیٹر پانی سیلاب متاثرہ علاقوں میں تقسیم کیا گیا۔ ان کا کہنا تھا کہ محفوظ اور صحت بخش پانی کی فراہمی کیلئے ہنگامی بنیادوں پر کام جاری ہے تاکہ متاثرہ آبادی کو فوری ریلیف فراہم کیا جا سکے۔ترجمان کے مطابق ضلعی انتظامیہ اور پنجاب صاف پانی اتھارٹی مشترکہ طور پر ریلیف آپریشن میں سرگرم عمل ہیں۔ ترجمان کے مطابق متاثرہ آبادی کی سہولت ہماری اولین ترجیح ہے اور سیلاب متاثرین کو ہر ممکن سہولت فراہم کرنے کے لیے تمام وسائل بروئے کار لائے جا رہے ہیں۔